BLOGGER TEMPLATES AND TWITTER BACKGROUNDS »

Monday, April 30, 2007

كلي الان منك غضب ولا تصالح

لا تصالحْ
ولو منحوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى

لا تصالح ..
ولو حرمتك الرقاد
صرخاتُ الندامة

إن سهمًا أتاني من الخلف.
.سوف يجيئك من ألف خلف


كلُّ شيءٍ تحطَّم في نزوةٍ فاجرة
والذي اغتالني: ليس ربًا..ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ
.في شرف القلب
ْوالذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة

إن سهمًا أتاني من الخلف..سوف يجيئك من ألف خلف
أمل دنقل

Sunday, April 22, 2007

راضي في فسادونيا


راضي ودستور فسادونيا


راضي بيستحمه
إيه؟؟ محدش ليه دعوه؟ ده حقه الدستوري.
أصبح الاستحمام نشاط شرعي بالدولة من بعد التعديلات الدستورية الأخيرة بدولة فسادونيا واللي أتوافق عليها بالأغلبية في مجلس الشعب المكون من 15 وزير. طبعا كان انتصار كاسح. أي والنعمة كاسح.14 عضو (وزير) صوتوا لصالح التعديلات ورغم وجود صوت واحد معارض, لكنه كان وزير البيئة فمحدش عبره.
والشعب كمان شارك في الاستفتاء بكل همة وحماس. وكان المواطن من دول يدخل ورا الستارة يقرأه نصوص الدستور الجديدة ولا يكتفي بالتصويت لصالحها بل " يلطم ويرقع بالصوت الحياني" حسب تصريحات الشهود العيان والمشرفين علي اللجان من أعضاء السرك الصيني
.ياسلاااااااااااااااااااااااااااام ما أحلي الاستحمام في ظل القانون.

وفجأة أقتحم المكان عشرة رجال باللبس الميري
راضي إتبرجلمش عارف يغطي ايه ولا ايه
إتلخم
أتزحلق
وقع


راضي صابر الأخرس
تمام يافندم
أحتشم يا مواطن
ما انتوا اللي طبيتوا كده من غير إحم ولا دستور
قصدك إيه؟
قصدي يعني.............لو ممكن أشوف إذن النيابة؟
وانفجر الخمسة وعشرون شرطي في الضحك
إذن ايه يا روح أمك؟ دمك خفيف يا مضروب
إذن النيابة يافندم. عشان يبقي وجودكوا هنا قانوني
لا يابابا دي حالة طوارىء
آةة لو كده يبقي مفيش مانع أنا كنت فاهم إنها مش حالة طوارئ وانتوا بتستهبلوا

مش عايزين عطلة أتفضل معانا
ليه؟ انا عملت ايه؟
هتفهم هناك
نظر راضي الي التسعة وخمسين شرطي باستسلام ومد يده الي البرنس
وخرج من الكنكة


المشهد الثاني
راضي مستني في مكتب بقالة سعتين. هيتجنن, هيموت من الرعب. طب حد يفهمني أنا عملت إيه؟ دماغه بتودي وتجيب. بيكلم نفسة...... أنا مش قلتلك بلاش المشي البطال؟ مش قلنا الف مرة أخرته وحشة؟ اشرب بقه
لا لا مشي بطال ايه بس!! ده انا لا ليا في الطور ولا في الطحين. طب يكونوا عايزيناك في ايه يعني؟ فكر ياحمار

انفتح الباب
ودخل عسكري جارر شابين من قفاهم. رماهم في المكتب وقفل الباب من غير ولا كلمة
الواد القصير ده شكله ابن ناس هوه كمان. لكن التاني واضح إنه بلطجيا
لولد أبتسم له وقرب منه


شريف: أنا شريف, شريف الأنصاري
راضي: وانا راضي الأخرس
شريف: تشرفنا يافندم
مفتاح: وأنا مفتاح المصري
راضي بإستحقار: طيب
مفتاح: تعفر؟
راضي: مبدخنش وابعد بعيد لو سمحت
مفتاح : اصل أنا شايفك متوتر وبتترعش
راضي: لازم ابقة متوتر دي مش كوكي بارك يابتاع إنت
مفتاح: ياراجل واية يعني؟ تعيش وتتحبس أنا مابين كل سريقة وسريقة لازم أطب

راضي في سره: طبعا متعوده دايما

راضي لشريف: وحضرتك؟
شريف: تقريبا كل شهر بشرف مرتين
راضي: بس ده انت شكلك مش وش بهدله. والله أنا أول مرة في حياتي ادخل قسم والمصيبة إني معملتش حاجة
................................................راضي: إنت مبتردش ليه؟
بقولك والله ما عملت حاجة
شريف: لا واسعة دي شوية معقولة متعملش حاجة وتتاخد عالقسم
راضي: تخيل
شريف: ليه إحنا فين؟ دي سابقة عمرها محصلت في فسادونيا
راضي: انا مش مصدق زيك تمام
شريف في سره: (دة عبيط بقه
مفتاح: إطلع من دول ياحاويط
راضي: وانا حكدب عليكوا لية ياعني
مفتاح: طب فكر و اعصر دماغك فرصتك دلوقتي انك تفبرك تأليفة تخرج بيها من الكارثة اللي عملتها
راضي بصوت عالي: والله مظلوووووووووووووووووووووم
شريف: قولي انت بتاع ستات وكلام منده؟ يمكن هيخدوك شاهد في قضية اداب
أنا من البيت للمصلحة ومن المصلحة للبيت
مصلحة؟ تبقة مرتشي ومسجلينلك وانت متلبس
ياأخ شريف. ده شكل مرتشي. إنت مش شايف البدلة؟
بدلة؟ ده مش ترنج؟
مش بقولك مش بتاع رشاوي
مفتاح : مزاج؟
هو أنا زيك ياحشرة
إخوانجي؟
مسيحي
مهجر؟
Local
مشترك في أحزاب أو أي مؤسسة
مركز شباب الوايلي
شريف : حيرتني .... خلاص سيبها علي الله وشوف عاوزيناك ليه
راضي : مقلتليش يأخ شريف إنت تهمتك إيه؟شريف : أنا قصتي طويلة و هتعرض علي المحكمة العسكرية خلال ايام
راضي : يا ستار إن لله وإن اليه راجعون. ياحسرتك أمك وابوك. أنت هببت ايه؟
شريف : انا مدون
راضي: إخص الله يكسفك. غور من هنا هتشبهني معاك. مدون ياملعون. غور بعيد. تعالي يمفتاح ياحبيبي خالينا ندردش علي جنب

المشهد الثالث

راضي يجلس أمام رتبة من الرتب الكبيرة غرقان في عرقه


أستاذ راضي
تحت أمرك يافندم
تسمحلي أقولك انك نموذج مشرف للمواطن الفسادوني
يافندم دة شرف ليا. والله سعاتاك أنا كنت واثق إني معملتش حاجة وإني اتخدت علي هنا غلط.
لا أنا اللي أمرت الضابط يجيبك. بس بيني وبينك بشكل ودي. كنت عايز أدردش معاك شوية.
خيرطبعا أنا مش بكلمك دلوقتي مش بصفتي الرسمية. لاكن من منطلق الإخوة والحرص علي مصلحتك
................................................أخ راضي مش عيب إن الواحد لما يشتكي من حاجة يطلب
علاج..............................................
خد ياراضي مد إيداك متتكسفش
ايه ده يافندم؟
دي حبة فياجرا ياراضي. ياأخي كسفتنا. من خلال مراقبتا القانونية والدقيقة لغرفة نومك اكتشفنا إن أدائك غير مطابق للمقايس وغير مرضي بالمرة. ومن خلال استمعنا لمكالمات المدام الهاتفية مع حماتاك نقدر نقلك إنك إتفضحت ياراضي . واحنا في خدمة الشعب. ودي الخدمة اللي بنقدمهالك يابطل. ورينا بقة همتك إنهاردة. النباطشية كلها هتسهر تتفرج وبتدعيلك
راضي يسقط مغشيا عليه
اصبحت التعديلات الدستورية واقع لا مفر منه
لا خوف من نصوص الدستور
لا خوف من السكين
الخوف من ضمير الجزار
إلي اباءنا واخوتنا واهالينا في المؤسسات الامنية
راعوا الله في ابنائكم



Wednesday, April 18, 2007

إن اردت الحقيقة

لا تنظر الي ما يرتسم علي الوجوه ولا تصغي الي ما تقوله الالسن ولا تلتفت الي الدموع. فكل هذا هو جلد الانسان والانسان يغير جلده كل يوم ...ولكن ابحث عن ما تحت جلده...ليس قلبه ولا عقله ...فتلك ايضا امور تتغير ..ولكن انظر الي فعله في لحظة اختيار حر تعرف حقيقته


وقد عرفت حقيقة بعضهم في لحظة اختيار حر
وعرفت حقيقتي

Tuesday, April 17, 2007

واحد عارف نفسه

واحد صعيدي (من المنيا) كان بيتعلم الارقام بالانجليزي:وان تو ثري فور فيف
سس(استغفر الله) سكس
حقيقة

شهادة

لا اله الا الله محمد رسول الله عليها اعيش وعليها اموت وعليها ابعث إنشاء الله

صورة من قلبي


اللي اقسي من الحقيقة

الصور

واللي واجع مش جرحي

اللي واجع ذكري فرحتي

قدام مرايتي

بلف طرحتي

وغصب عني بفتكر

قاللي الاسود عليكي

وهم

ولون عنيكي

فرحتي

والخمسة دول بناتي

وعزوتي

من ريحة بلادي

وشقوتي وضحكتي

الحلوة دي قطتي

وانت بعلولتي

فطيبة والدتي

وعيون نجاة رجعتني

لمرهقتي

قدام مريتي بلف شالي

الاسود الصوف

وهو علي كتافي ينوح

بدو يبوح

باللي في بالو وبالي

ويحكي عالي جارالي

خاوفوا الخمس بنات

قالوا الغربة مرة

قالوا التعلب فات

يابت اوعي بلاد برة

تغيرك

ولا يسقوكي حاجه اصفره

وخالي بالك من صحابك

انت عاقلة ومأصاله

والخواجة مكار وقاسي

عيونه زرقة وايده عايزة قطعها

واللي تفرط في شرفها

تستاهل دبحها

يامه الخواجة امره سهل ودمه مايه

الخوف ملمنياوي ابو جلابيه

الصعيدي

اللي لابس توب مش توبه

كان امكر متعلب وجدوده

الواد بتاع الترجمة

اسيب طين بلادي

الاقيه مستني هنا

هو كان

الهدمه اللي ستراني

وهما

الضلوع اللي كانت حاضنه قلبي

وجبراني

خاوفوا الخمس بنات

قالوا الغربة مره

قالوا التعلب فات 

اللي فات مات

ما الصبايا اتفرقوا

واللي مرر الحلق

حلاوة الذكريات







Thursday, April 12, 2007

Alone

I am tired….
Of entering all these restaurants alone, chatting with the waiter for much time as I can, craving for companionship more than any food.

Of watching my favorite movies in an empty room with a pillow between my arms. wishing if I have someone to share this piece of cake with him.
I am afraid of week ends
Tired of spending them working just to forget how lonely I am.
In my several jobs, breaks exhaust me and long vacations scare me.

I hate it when I open my phonebook, searching among name for somebody who I may call, just to hear another human voice besides mine, the I realize that whom I need to speak with is not on my list
I hate my untouched body, unfulfilled heart, and my mind that refuses to go to sleep
I am tired of saving the last drop in my perfume to a day I don’t expect
I am trying to be perfect for some one I didn’t even meet yet

why cant what i have satisfy me any more?
I need simple things
Like basic needs of any human being
Of any creature
I need companionship, intimacy and safety

Days go
My life is fading
And I am still waiting
Praying
Trying not to lose a hope that does not even exist

Monday, April 2, 2007

الدستور وإرادة الفرد

يقول فرويد في وصيته ضد الفرد وفي تنظيم العلاقات الاجتماعية : " من دون الضبط تصبح العلاقات خاضعة لإرادة الفرد الأعتباطية: أي أن الرجل الأقوي جسديا يقررها بما ينسجم مع مصالحه ودوافعه الغرائزية. وتصبح الحياة البشرية ممكنة فقط عندما تجتمع الأغلبية التي هي أقوي من أي شخص منعزل , وتبقي متحدة ضد الأفراد المنعزلين . عندئذ تُنَّصب قوة الجماعة بوصفها محقة مقابل قوة الفرد, التي تدان بوصفها قوة متوحشة . ويجب أن تكون المحصلة النهائية حكم القانون الذي أسهم فية الجميع من خلال التضحية بغرائزهم . القانون الذي لا يدع أحدا...تحت رحمة القوة العمياء
ولهذا نقول إن مهزلة التعديلات الدستورية مثلها مثل مهازل الانتخابات هي انتصار لإرادة الفرد
او الحزب
او الفئة
علي حساب الأغلبية.......الجماعة.....الشعب المنعزل
ولا وجود هنا للقانون لأننا ببساطة لم نضحي بغرائزنا .ودون هذة التضحية لا وجود للحق
وتصبح كل البنود وكل النصوص, مهما عدلناها ونقحناها وتحايلنا عليها أو تحايلوا بها علينا مجرد حبر علي ورق. مثلها مثل عشرات الأمثلة في حياتنا الأعتباطية. فالحياة الزوجية بلا مودة ولارحمة يصبح عقدها حبر علي ورق و "علي سنة الله ورسوله" حبر علي ورق و "في السراء والضراء" حبر علي ورق
خانة الديانة في اوراق إثبات الشخصية هي حبر علي ورق مادمت لم أرضي بالمقايضة لم أضحي بغرائزي في سبيل إيمان وقول وعمل يجعلوا مني مسلمة
ألم يأمرنا الله بهذا من أجل الحق والعدل , من أجل إنتصار القانون ؟ "يا أيها الذين آمنوا كونوا قوامين بالقسط شهداء لله ولو على أنفسكم أو الوالدين والأقربين إن يكن غنيا أو فقيرا فالله أولى بهما ; فلا تتبعوا الهوى أن تعدلوا وإن تلووا أو تعرضوا فإن الله كان بما تعملون خبيرا"صدق الله العظيم
فلا وجود للحق إلا بالانفصال عن الهوي وعن المصلحة وعن الرغبة
لكنه المال
والسلطة
والغرور
وغيبوبة الدنيا
وحتي يأتي اليوم الذي نتخلي نحن فيه عن أهواءنا وغرائزنا ومصالحنا
ولا أعني بهذا في يوم أو أسبوع الانتخابات والاستفتائات
بل في كل يوم
وعلي حساب كل شيء
حتي يأتي هذا اليوم سنظل تحت رحمة إرادة الفرد الاعتباطية
ويقول فرويد ايضا " الرجال ليسوا مخلوقات لطيفة تريد أن يحبها الآخرون"" بل إنهم يمتلكون قسطا كبيرا من العدوانية" بحيث يصبح الأخر بالنسبة لهم مجرد مساع وأداة وشخص يحاول أن يشبع عدوانيتهم علية بإستغلالة جنسيا واقتصاديا وحجز أملاكه وإذلاله وإيلامه
أليس هذا هو الواقع الآن حين انفردت أشخاص ومؤسسات وأحزاب بالسلطة والمال والقرار
وحين انفردت أمريكا بالقوة
فالمال والسلطة تبرز أقصي جوانب الإنسان وأكثرها وحشية وغرورا
والإنفراد بها يغيب عقل الإنسان
والحل الوحيد هو الحجر علي هذا الفرد لأنه أصبح ناقصا للأهلية وأصبحت قواه العقلية محل شك تحت التأثير الساحر للسلطة والمال
والحجر ليس بالانقضاض عليه وتجريده من تلك الأدوات وإلا أصبحت الدنيا غابة
بل الحجر المحنك بإيجاد معادل شعبي يمثل الأغلبية
وإعطاء هذه الأغلبية القسط الأكبر من الصلاحيات والتي ستنتقل إلها تلقائيا بمجرد البدء في ممارسة واجبها واستيعاب هذا الدور والقيام بوظيفة الرقابة

Thursday, March 29, 2007

بتحب نفسك؟


في عيد ميلادك مين كلمك؟ مين تلفونه فرحك اوي ومين فضلت مستنيه ومتصلش؟ مين جبلك أكتر هدية لمست قلبك؟ ومين جبلك أغلي هدية عمال تحوش علشان تردهالو؟

في عيد ميلادك جبت ترتة حلوة؟ عزمت كل العيلة ؟ ولا عملت قعدة علي الديق؟ خرجت مع أصحابك؟ طافيت الشمع حتي لو لوحدك ؟ إتمانيت امنية؟كل ده جميل بس تسمحلي أقولك ولا ليه اي لزمه
بس لازم أحبها علشان هي تعرف تحب أي حد بعد كدة
ليه معلموناش نحب نفسنا
حب الذات هو أساس احترامك لنفسك ونجاحك حتي لإيمانك
وحب النفس مش هو الغرور ومش هو النرجسية ولا الأستغراق في الذات

اقولك لية

لأن الحياة علمتني إن في يوم عيد ميلادك أهم واحد لازم تعزمه وتقعد معاه علي إنفراد وتدردشوا كدة هو أنت وأجمل هدية هي الهدية اللي هتنزل تجبها أنت لنفسك
اي والله زي مبقولك كده انا نازلة أجيب لنانسي هدية
بحاول أتعلم أحب نفسي طبعا بحاسبها و أكسرلها ضلع يطلعلها 24


هو أنك تتصالح مع حقيقتك


تقبل تشوهاتاك وتتعايش معاها


تفهم ضعفك وقوتك


وتكون صريح مع نفسك أنت عايز اية؟


ميهمكش رأي الناس بس يهمك إحساسهم


كده هتكون أنت راضي عن نفسك حتي لو الناس مش راضية عنك


وأجمل معروف تعمل في أولاداك أنك تعلمهم المعاني دي من صغرهم


وتزرع فيهم حب النفس

Wednesday, March 28, 2007

كل سنة وانا طيبة

عيد ميلادي النهاردة
إحساس غريب غير كل سنة
إحساس بالمسئولية او يمكن بالندم
حاجات كتير كنت عايزة اعملها ومعملتهاش. وحجات كتير ندمانة اني عملتها
ايام وملايين الدقايق ضاعت في اوهام اوهاااااااااااااااااااااااااام كلام فاضي. ومشاعر إدتها لناس متستهلهاش. او محسبتش ادي مشاعر اديه ومش مهم المقابل. بس كان لازم احسب ادي الناس دي اد اية ....من وقتي , من أعصابي, من تفكيريي, من حبي, حتي من كرهي
وناس ندمانة اني مدتهاش وقصرت كتير فحقها وواحدة ظلمتها ومش عندي الجراءة اعترف بظلمي
والتغيير الحقيقي اللي حصل كان في مفهوم القيم عندي
ودي أكتر صدمة ممكن يمر بيها الأنسان معرفيا ووجدانيا
وهتكلم عن الموضوع ده وتجربتي فيه في بوست منفصل
المفجأة الحقيقية كانت في مشاعر جديدة أكتشفت انها موجودة جوايا
موجودة بجد
مشاعر جديدة غير الشوية المستهلكين اللي احنا عايشين بيهم (جعانة, فرحانة, زعلانة, خايفة, بحب, بكرة.....) حاجة مكنتش أتوقعها تطلع مني أنا
الخوف إن كل ده ينزل علي فشوش
وابتدي السنة الجديدة من عمري كدة
في غيبوبة
والايام تتسرب من بين ايدي زي مرتب الحكومة بعيد عنكو. وهوووب الاقي نفسي قدام ربنا ويبتدي الأسالة: عمرك؟ صحتك؟ فلوسك؟.........
جوبي بقة يافالحة
لا لا انا مش هقلبها غم
لازم افرفش في عيد ملادي بس المشكلة أفرفش إمته وانا بشتغل من سبعة الصبح لتناشر ونص بليل؟؟؟

Monday, March 26, 2007

رايح تنتخب....انت حمار ياحمار؟





عندي أكتئاب


النهاردة التصويت علي تعديل الدستور


الشركة قررت تمشي كل الموظفين بدري من باب الوطنية يعني


وانا عارفة مقدما هيروحو فين


الستات هتروح تعملها حلة محشي


البنات اتفقوا قدامي يتقابلوا في كافية


الرجالة هتروح تمدد في السرير ساعتين


اللي رايح يصوت حاجة من اتنين: يأما بيعمل اللي علية علشان ميبقاش سلبي وهو عارف مقدما أن اي حمار بينهق قدام باب اللجنة صوته اهم منه


يأمة زي أخويا متفائل وعبيط


انا مش حاسة غير بالقرف


احنا بنضحك علي مين؟


نعرف ايه احنا عن الدستور؟


بنثق في مين؟




نجلاء اللي بتيجي تساعد ماما في البيت بقولها دستور قالتلي ((هيهيء داستور يااسيادنا)) والله جدعه يابت يانوجا

La Linda Gatita Delcabron

أسمها مي
قطة صغيرة. جميلة جدا. الجمال البريء الشقي. ملامحها تشبة لملامح نانسي عجرم .بتتعاكس في كل مكان .مغرورة بجمالها غرور بيذودها جاذبية. من الناحية النظرية انا وهي مفيش بنا شيء مشترك. كل مبادئها وانفعالتها وافكارها مختلفة عني تماما. لكن......مي تبقي رفيقة احلي ايام عمري. اتاري العشرة بتنسي حاجات كتير واتاري العيش والملح فعلا يستاهل يتحلف بيه
أنا ومي كنا عايشين سوا في مكان بعيد......بعيد اوي عن مصر
هناك كنا بنام علي سرير واحد علشان مندفعش ثمن سريرين. ومرة نمنا علي السلم واحنا حاسين بالامان علشان سوا
كنا بنقسم علبة التونة وكيس العيش
كانت بتوصلني شغلي الصبح وارجع اخدها من شغلها بليل
جاتلنا اعراض سألنا مامتها عليها , ومامتها سألت الدكتور وبعدين طمنتنا............قالت عندكوا جرب يابنات
بكينا كتير اوي علي كتف بعض وضحكنا أكتر
حمدالله علي السلامة يامي

Saturday, March 24, 2007

مشاهد من المسرح النفسي العلاجي 1

الثلاثاء من كل أسبوع موعدي مع المسرح النفسي العلاجي بعيادة الطبيب النفسي. وهو نوع من العلاج الجماعي وجزء لا يتجزأ من برنامج علاجي.التجربة مذهلة وشافيه إلي أقصي الحدود. لولا سريتها المقدسة لنقلتها بالحرف وقد حفرت بوجداني إلي الأبد. لكني هاهنا أخلق مشاهد مفترضة تحاكي الواقع ولا تنقله.
شكرا لله ثم لطبيبي ثم لكل أحبائي بالغرفة المغلقةالمشهد الأولتتأمل العيادة الهادئة. تتوقف أمام بعض الصور علي الجدار، تميل برأسك نصف ذاوية لليمين محاولا استيعاب الخطوط الرصاصية، يحمر وجهك خجلا حين تدرك انه ....لا بأس ، أقترب وأجلس علي ذاك المقعد الخالي.أول تجربة لك بفريق المسرح النفسي العلاجي؟ آه أتذكر ذاك المزيج من المشاعر. الرهبة والانبهار، الغربة و الخجل. والأسوأ لو كنت تعاني من الرهاب الاجتماعي. تتمني لو تنسحب لكن هيهات. أطمأن فسرعان ما سيسري في دمك سحر الممارسة ، وتتخدر مخاوفك حين تركز علي وجه طبيبك الذي تثق به. هل تحبه؟ بالطبع لا أقصد هذا المعني. نعم نعم ، أفهم أنك لست شاذ ولا اتهمك بشيء. أطمأن حتى لو كنت، فليس الشذوذ ها هنا سبه بل سيناريو جديد سنهيأ له الأزياء والأدوار والديكور، وسنقتله بحثا.شيء ما يجذبك إلي الوجوه؟ ها قد بدأت المعجزة..... تتلاقي فتتعارف فتتألف الأرواح داخل الحلقة الاداميه المستديرة بسرعة تتعدي التقاليد الإنسانية، وتتحدي مفردات التحفظ والحرص والكتمان. لا شيء يجمعنا: طبائعنا متنافرة ماضينا مختلف، مهندس وشرطي وراقصة ودكتورة وبائعة وطالبة ولبناني ويمني و......الصامت المترقب يتعافى من الإدمان، تلك الفتاة البشوشة الوجه ذات الضحكة الهستيرية تتأرجح علي مشنقة الإكتئاب. ذاك الشارد الحزين العذب الملامح وأزمة الهوية، الرجل الواثق الذي ليس به علة فقط لتكتشف أن تلك هي علته، الفتاة المكتنزة مكتملة الأنوثة تخفي وراء الصوت الناعم مثلية جنسية، مسلم تنصر ومسيحي أسلم وشاب يلتهمه الشك في كل القيم والمرجعيات حتى في الذات الإلهية.عشرون لوحة متناقضة فيما بينها وفي نفسها. لا يليق اللون بالقماش و لا يليق المحتوي بالإطار.ومجموعة أخري من المحللين النفسيين والمهتمين بالثقافة النفسية ذابوا في الخليط فأختفي الحد الفاصل بين المريض وبين السليم بين الداء وبين الدواءتبدأ عملية الإحماء، كل يسرد ملخصا لأحداث الأسبوع...... وقائع ومشاعر ومخاوف.المشهد الثاني:يبحث المخرج بيننا عن المهدي المنتظرTo be continued

Tuesday, March 20, 2007

نضوج

كنت طفلة صغيرة أتعلق بالصبي المشاغب الذي يعرف كيف يتسلق الشجرة لأخرها ويجلب لي حبة الرمان

 وصرت فتاة رقيقة أحلم بشاب يحفظ قصائد نزار ويمتطي الحصان

أمسيت طالبة نجيبة و أحببت أستاذي الذي بهرني عقلة

ثم ثقل حمل الزمان فأمسيت امرأة لا تبحث في الرجال إلا علي ضمير لا يشتريه المال

Friday, March 2, 2007

كيف أنتقي

حين أحب

لا يغريني في الرجل مكنونات قلبه

ولا قدرات عقله

لكني أعشق ذاك الرجل الذي يبهرني ضميره

Thursday, March 1, 2007

البداية.....

في البدء خلق الله السماوات والأرض وبالعدل قامتا فالحق أولي أن يتبع. ثم خلق الله أدم من طين فالأرض هي الوطن. ثم خلق منه حواء رحمة بحاله فالأصل أن يتشاركا. ثم كانت الخطيئة الأولي فالضعف فطرة. ثم تاب علينا فرحمته هي المنتهي