My little brother’s broken heart

احمد عنده 19 سنة وفي اولي جامعة

طول عمره ولد مؤدب ومتدين

بيحب بلده بجنون واترفض مرتين من الكليات العسكرية

بيحب ماما وبابا واخواته

ودمة خفيف

احمد اخويا الصغير

هو مش اصغر واحد

بس انا وهو اقرب اتنين لبعض

امبارح لحظت ان بقاله يومين مبيكولش

ومبيرحش النادي

ومبينزلش مع اصحابة

مبيعملش اي حاجة تقريبا

قلبي وقع في رجلي وحاسيت

سألته وطلع احساسي صح

احمد بيحب واحدة صحبتة في المدرسة من تلتة اعدادي

يعني من خمس سنين

بس هو كان مقرر ميقولهاش الا لما يتخرجوا

علشان مبيحبش يصاحب

ومن يومين البنت ضيقت علية الخناق

وخلتة يعترف

لكن هيا طلعت مبتبدلوش اي مشاعر

احمد عنده 19 سنة

ودي اول مرة قلبة يتكسر من الحب

عيونة كانت مليانة دموع

لكن مبيحبش يعيط قدامي

قلبي مكسور علي كسرة قبل اخويا

مليش نفس لاي حاجة في الدنيا

عايزة اخده في حضني

احمد فكرني بكسرت قلبي زمان

مش عارفة اواسية ازاي

مش عارفة اقويه ازاي

سألني هي عيزانا نرجع اصحاب زي الاول

كأن مفيش حاجة حصلت

وانا مش قادر

لان في حاجة حصلت

اعمل ايه؟

قلتلي مقدرش استغني عنك

انك احسن صاحب ليا

افتكرت غلطات غلطها زمان

لما فضلت جنب ناس رغم انهم كسروا قلبي

مش عايزة اخويا يكون افلاطوني

مش عيزاه رومانسي

عيزاه جامد علشان ميتوجعش

قلتله لا

ابعد يا احمد

وانت هتنسي

احمد عنده 19 سنة
ودي اول مرة قلبة يتكسر من الحب
عيونة كانت مليانة دموع
لكن مبيحبش يعيط قدامي

قلبي مكسور علي كسرة قبل اخويا
مليش نفس لاي حاجة في الدنيا
عايزة اخده في حضني
احمد فكرني بكسرت قلبي زمان

I WILL SERVIVE

First I was afraid

I was petrified

Kept thinking I could never live

without you by my side

But I spent so many nights

thinking how you did me wrong

I grew strong

I learned how to carry on

and so you're backfrom outer space

I just walked in to find you here

with that sad look upon your face

I should have changed my stupid lock

I should have made you leave your key

If I had known for just one second

you'd be back to bother me

Go on now go walk out the door

just turn around now

'cause you're not welcome anymore

weren't you the one who tried to hurt me with goodbye

you think I'd crumble

you think I'd lay down and die

Oh no, not I

I will survive

as long as i know how to love

I know I will stay alive

I've got all my life to live

I've got all my love to give

and I'll survive

I will survive

It took all the strength I had

not to fall apart

kept trying hard to mend

the pieces of my broken heart

and I spent oh so many nights

just feeling sorry for myself

I used to cry

Now I hold my head up high

and you see me

somebody new

I'm not that chained up little person

still in love with you

and so you felt like dropping in

and just expect me to be free

now I'm saving all my lovingf

or someone who's loving me

كيف الوجود

من القائل انا افكر اذن انا موجود؟

فانا احيانا اكل واشرب واعمل واتنفس وافكر واضحك وابكي واكتب

لكن

اشعر اني تمثال من الشمع

واتسائل

هل انا موجودة؟

وما معني الوجود

وغايته

صحبة امنة..............جدا

لما قررنا نسافر وخلصنا ورقنا في الخباثة عملنا قرود علشان اهلينا توافق تسبنا. كان عندنا كذا مشكلة بسيطة كده في اقناعهم

اولا: مشكلة الامان

ودي اتغلبنا عليها لما اقنعناهم ان الملحق الثقافي لمصر بالسفارة الاسبانية( اي والله زي مبقول كده الملحق الثقافي) هينتظرنا في مطار مدريد بنفسة مرحبا بنا ومستقبلا لفتايات مصر المكافحات . وان الراجل حالف يمين طلاق علي مراته ان رجلة علي رجلنا لحد نزل الطلاب المغتربيين( واخد بالك من نزل دي) وده ترحيبا بطالبات العلم وتشجيعا لنا كخمسة فتايات محاربات وردا علي الفصائل الاسرائيلية ومن اجل لبنان واحد

ام الملحق الثقافي بقة عمل ايه؟؟؟ ساب السفارة والسفير والشغل والمؤتمرات علشانا طبعا

والحدق يفهم طبعا انه لا كان في ملحق ثقافي ولا ملحق السيارات. بس كنا مستعدين نوصلها للملحق العسكري لو مسبوناش نسافر . و بعد منزلنا مطار مدريد قعدنا ست سعات نعيط في المطار ونلطم لاننا اكتشفنا اننا فعلن معنرفش حد هنا ولا معانا عنوان نروحة ولا مكان نبات فيه ولا نيلة

وكان معانا يجي 13 شنطة. والله مببالغ. كنا لامين كل خلاجتنا تقريبا. وشاي وسكر وعلب تونة. تقولش كان قلبنا حاسس اننا هنتمرمط؟

وكان الاختلاف بنا هل نبات في المطار ام في احدي الحدائق العامة ام نرجع طوالي عالكفر تاني ونبوس ايد اهالينا ونتجوز ونقعد في البيت

المشكلة التانية

كانت مشكلة دينية خاصة بتلاتة مننا_ اللكشة المسلمة_ لان اهالينا بعد تفكير عويص ومتأني طلعوا بعقبة تانية الا وهي: ازاي نسافر خمس بنات من غير محرم

امنا احنا بقة ايه ؟ قلنا عيب لازم نشوفلها مخرج دي . وبعد مستشرنا ولاد الحلال قالونا كده امركوا لله باظت الخطة لان المحرم ده حاجة مهمة قوي قوي. واشارت علينا بعض صديقتنا ذوات العقل الراجح والمعروفات بالحكمة والخبرة ان الحل بسيط ....اتجوزوا

لكن الفرج جه من عند ربنا

كانت اكتر واحدة فينا عندها معلومات دينية اسلامية فقهية هي الاخت الفاضلة رقم 4 والجدير بالذكر انها مسيحية

قالت اية بقة نمرة اربعة؟ قالت يابنات تاهت ولقناها

الصحبة الامنة

ايه الصبحة الامنة دي؟ قالت ان في الحج ممكن مجموعة ستتات تسافر من غير راجل لانهم صحبة امنة

تاهت ولقناها والله

يعني اهاليكوا هيكونوا اغتت من موظفين الجوازات في السعودية

اتكلوا علي الله

علي مسئوليتي

ومكدبناش خبر؟ خدنا الفتوه من بق البنية علي اهالينا عدل. وقلنالهم اننا لايمكن نغضب ربنا ونسافر من غير محرم لكن الشرع اجاز لينا اننا نسافر مع بعض بشرط اننا نخالي بالنا من بعض ومنسبش بعض ابدا. انتوا هتعترضوا علي شرع الله؟؟؟؟؟؟؟؟؟؟؟؟؟

وفلسعنا قبل ميلحقوا يتأكدوا من الفتوه

وهناك اثبتنا اننا خير صحبة امنه

فتاة رقم 1: انتي نازلة رايحه فين متأخر كدة

فتاة رقم 2- هجيب حاجة من البقال

فتاة رقم 1- طيب ياحببتي متنسيش تخدي المطوة معاكي

الله !! مش لازم نخلص زمتنا من ربنا ونبقي صحبة امنة؟؟؟؟

العبرة من هذا البوست

1- إن كيدهن عظيم

2- متصدقش بنتك لو عملتلك قردة علشان تسافر تتسنكح مع صحبنها قال ايه منحة دراسية

3- لا وجود لما يدعي الملحق الثقافي وده بيان علي مسئولية السفارة

4- متنساش علب التونة وانت مسافر لانك في الغالب هتشوف ايام سوده

ويجعلة عامر

Gay

كان هناك طفل
جميل ككل أحباب الله
بريء كعادة الأطفال
التي لا يكفون عنهاحتى نتدخل نحن

...............................
رآه يلهو بدميته
استبدلها
بمدفع بلاستيكي صلب
اللعبة اكبر من سنه
اكبر من سنه
والمدفع قد يؤلم أحيانا
يتملص
أنا لا أحب المدفع
لكنه لن يخبر أحدا
فقد وعده
.........................
وبعد اللعبة
يأتي وقت الحلوى

..............................
الطفل صار صبيا
وتعود علي اللعبة
وفي مدرسته
تغرم به صبيه
في كراس الواجب
تترك رسائل مخفية
وقلوب حمراء
وأحلام وردية
وفي الشرفة
تجدل ضفائرها
تنتظره
وتسقي المزهرية
و هو يبكي في غرفته
ويتهرب من الصبية
يتقزز من جسده
لا يعرف كيف يبادلها
مشاعر طبيعية
ألان فهم اللعبة
انه كان اللعبة
وأداة جنسية

.............................
الشاب تنصر
فقد كان الملعون أزهريا
............................

زميل عزيز علي قلبي في عيادة الطبيب النفسي. بعد أن انتهي من قصته قال انه مؤمن واختار أن يسلك إلي الله طريق النصرانية لأنه ينفر من كل ما يذكره بالرجل الذي كان مسلما أزهريا اعتاد أن يستدرجه مقنعا إياه أن هذا لا يعد حرام في الإسلام؟؟؟؟؟؟؟؟؟ همس في يأس بالطبع تعتقدين أنني كافر.... احتضنته بعيني وقلت الله محبة وأنت تحب الله وكفي. أضاف: ألا تشمئزين من شذوذي؟ ابتسمت واحتضنت يده بين كفوفي.

WATCH YOUR CHILD.

اختلاف وجهات نظر

عزيزتي حواء

مهما كان بريء الملامح

احذري منه

حيث اثبتت الابحاث النسائية ان ادم اصله خلبوص

واللي اتلسعت من الشربة ترقع الذبادي بالقلم

رفقا

رفقا

رفقا

حين تلمسني

تمهل

كي لا اذوب

كشمعة ترتدي ثوب من لهب

كالشمس عند الغروب

رفقا

فاعصابي خيوط زجاجية

ستتهشم

وتتناثر علي الدروب

رفقا

لا تؤلمني حبا

لا تقتلني عشقا

فلا زال عندي امل

ان اقلع عنك

ان اشفي منك

ان اتوب

يامن تعرف شفرة حواسي

ومداخل جسدي

عين اليقينِ

تهمس في اذني

بسر يحرقني

وثير انيني

سر اشتهيه

فتتجاحل حنيني

تعبر سريعا

اشتاق

اصرخ رفقا

تتركني

اتعاقبني؟

ساستسلم

فتطيل البقاء

تمزقني

وتعيد تكويني

يارجل

كلما انتهي مني

تركني حبلي

وحين يلمسني

اعود بتول

ياالله

لا اله الا انت سبحانك اني كنت من الظالمين

لا اله الا انت سبحانك اني كنت من الظالمين

لا اله الا انت سبحانك اني كنت من الظالمين

البيه المدير واخد ساعة رضاعة

استهباااااااال
مرة يطلع واحد في ساعة تجلي ويطلع فتوى إرضاع الطباخ والبواب و والخدام

وبعدين بعد سنة يطلع الجزء التاني من الفتوة ارضاع زملاء العمل

وكمان سنة (بما ان مستوي الحشيش في النازل) هيطلع عبقري تالت يقولك وسواقين التاكسي (المشاوير الطويلة بس
ومالة, يعني هما ملهمش نفس؟

صحيح الموضوع دة ممكن يؤدي الي رفع نسبة الانتاج نتيجة انضباط الموظف في الذهاب الي الشركة او المصلحة (علشان متفوتوش الرضعة) , وخاصة الحكومية منها حيث الستات اغلبها لابتعمل رجيم ولا نيلة والخير كتير يعني

لكن برضة ممكن يعطل سير العمل لو متنظمش صح

يعني مثلا هل تكون الرضعة قبل ام بعد الافطار؟

هل يجوز تغيير كوافيل الموظفين(بما اني في مقام ولدته) ام يقتصر الامر علي الرضاعة ؟

إذا كانت مصلحة المواطن تستدعي تردده الدائم علي الشركة ممكن يخودلو بقيين ونخلص

علشان الهمز واللمز والكلام ميكتررش علي دخلته وخارجتة عليا في المكتب

كمان علشان متبقاش عينة في الحاجة والواد الغلبان اللي بيرضع يشرق ولاحاجة
القر وحش

ولابد كمان من الرجوع الي الاطباء للتأكد من بعض المعلومات المتعلق بصحة الموظف

هل يحل هذا اللبن مكان اللبن الرايب الموصوف لجمعة الشواربي (امين المخزن)علشان القرحة؟

هل لابد من الطبطبة علي ضهر الموظف علشان يتكرع ولا اسيبه يهضم لوحده
مش هنعرف نشتغل كدة احنا هنلقيها منين ولا منين؟

صحيح الواد مرعي بتاع البوفية كان وشة مخطوف ومش عاجبني وشكلة عنده انمية لاكن كبيري اوي كان اني اعملة حلة محشي يرم بيها عضمة مش......طلعت مبخت ياواد يامرعي

والسؤال الهم هل سأحصل علي علاوة بصفتي مرضعة السيد المدير؟

والبلية تلعب بقة وهو ميقدرش ياخد قرار الا لما يرجعلي
امه بقة وليا حقوق عليه
وميقدرش يكشر في وشي ... يبقي عقوق

ولو المدير بقة ابن حلال يمكن يسيب شغلة كل ساعة ويجي يوطي علي ايدي يبوسها
راضية عني ياماه؟؟
من قلبي ياضانايا

كل الكلام ده جميل اوي بس لما يتقال في غرزة وينسب الي حشاش مش شيخ بيتكلم باسم الاسلام

حسبي الله ونعم الوكيل صحيح انا كلي عيوب وذنوب وجنون واستهتار لكن بنسب كل ده لنفسي مش بلزقه في فتوه

في اول مسمعت ان الفتوه دي طلعت تاني كان دمي بيغلي وفضلت 4 ايام مش طايقة حد يفتح الموضوع قدامي لا مسلم ولا مسيحي لاقريب ولا بعيد كنت حاسة بقرف من المحترم اللي قال كلام زي ده

صحيح من حقة يفكر ويدرس ويخرج بمشروع فتوي لكن الدين والاخلاق والعقل يحكم علية انه يناقشها في ما يشبه مجلس يضم غيره من الشيوخ والعلماء الشوري يعني حتي لو هوه مقتنع برأيه ولابد من السرية التامة وعدم تسريب اي خبر عن المناقشات اللي بتم بينهم الا لما يتوصلوا لفتوي او قرار علشان الفتنة والفرجة عيب والله

خايفة
من كم التريقة اللي هتحصل تحت التربيظة من ناس مش مسلمين ومتعصبين ضد الاسلام وده شيء طبيعي لان في مسلمين بتعمل نفس الكلام عن المسحيين
كنت حاسة بغيرة علي ديني وكل محد يجي يهرج معايا في الموضوع من صحباتي اقولوها مش عايزة كلام في حاجة متخلفة زي دي. ده موضوع اقل من اننا نتكلم فيه

وبعدين ابتديت افك وصممت ادور علي اصل الفتوي وطبعا زي متوقعت الموقف مختلف تماما

ورضاعة الكبير حصلت لما كان في ست مسلمة عندها ابن بالتبني وكان كبير ولما نزل حكم حرمانية التبني (وليس الكفالة المادية والنفسية بالطبع) خافت الست وبقلب الام قررت ترضعة علشان يكون ابنها بالرضاعة
رضعت ازاي؟ طبعا عن طريق وضع نقط من اللبن في حاجة شرب هو منها واحل الله هذا الموقف رحمة بقلب الام
ولكن نسخ هذا الوضع وصار لا رضاعة الا للطفل لحد سن سنتين

ووالله منغير مندور علي اصل الموضوع العقل والفطرة بتدلك أي صح وايه غلط ايه ممكن يكون شريعة وايه لا وبما ان التدووين نوع من التسجيل لتاريخ بلد او امة او حتي شخص كان لازم اكتب المدونة دي

واقول: الاسلام بريء من الافكار الهايفة دي اللي ملهاش اصل لافي كتاب ولافي سنة
ولا اله الا الله محمد رسول الله
سامحنا يارب
وكان لازم انقل حكم الشرع

***********************************************
اولا : الحديث الاول الذي احل فيه النبي رضاعة الكبير هو حديث سهلة بنت سهيل زوجة ابي حذيفة بن عتبة
1- كيف تتم رضاعة الكبير؟؟ وهل يري بذلك عورة المرأة ؟؟

الاجابة علي هذا السؤال تذكرني بالنكتة مصرية التي تقول (
ان رجلا اراد شرب اللبن البقري ساخنا فاشعل النار في البقرة
انما يتم حلب اللبن و يشربه دون ان يري عورتها

, وما ثبت بخصوص رضاعة سالم و هو كبير من قبل التي ربته سهلة بنت سهيل
هو انها حلبت لبنها في وعاء وأعطته ليشرب من الوعاء
و هذا ثابت في طبقات ابن سعد ترجمة سهلة بنت سهيل
. 2- لماذا جاء الاسلام برضاعة الكبير؟؟؟
الناظر لحديث سهلة سيعرف لماذا ؟ لان سهلة نفسها تقول ان سالم كان يدخل عليهم
( اي انه كان ابنها بالتبني )
فلما حرّم الاسلام هذا التبني كان لابد من مرحلة انتقاليه
كذلك سهلة هي التي قامت بتربية سالم فكان عندها مثل ولدها و عز عليها فراقه

3- هل تحل رضاعة الكبير الان ؟؟؟
لا تحل لان الرضاعة لا تحل بعد الحولين
.فهل معني ذلك ان عائشة ام المؤمنين رضي الله عنها
(اللتي كانت تري ان الامر مطلق لمن هم في حالة سهيلة
) كانت تدعو لامر حرام؟؟!!

نقول بالطبع لاو لكن حدث نسخ لهذا الامر و
الكل اجمع ان هذا الامر بتحليل رضاعة الكبير كان لفترة عارضة
الا السيدة عائشة فاذا اثبتنا ان السيدة عائشة نفسها اعترفت بهذا النسخ
صار الامر مفروغ منه

ثبت ذلك؟؟
نقول اثبات ذلك عقلا و نقلا هو من البخاري فقد بوّب البخاري رحمة الله عليه بابا اسمه ثانيا : باب من قال لا رضاعة بعد الحولين هل اسم الباب واضح؟؟؟
- لماذا لا تجوز الرضاعة بعد الحولين؟؟؟
لان النبي صلي اله عليه و سلم قال ( انما الرضاعة من المجاعة )
اي ان الرضاعة التي تحيب هي ما كانت في فترة صغر الطفل كي يكون هذا اللبن سبب في بناء لحمه
فتكون المرضعة قد انبتت من لبنها لحم الطفل كما الام تنبت من رحمها لحم الطفل
فتكون المرضعة كالام في هذا الحين
.- هل لهذا الدليل شواهد ام انه مجرد استنتاج ؟؟؟
الشاهد من حديث ابن مسعود حين قال ( لا رضاع الا ما شد العظم و انبت اللحم )
و من حديث ام سلمة ( لا يحرم من الرضاع الا ما فتق الامعاء
. و لكن كيف تستدل ان عائشة رضي الله عنها قد علمت بهذا النسخ ؟؟؟
اقول لان بمنتهي البساطة هذا الحديث هو من رواية عائشة
رضي الله عنها و اليكم الحديث : اخرج البخاري بسنده عن عائشة رضي الله عنها
ان النبي دخل عليها و عندها رجل فكانما قد تغير وجهه
فقالت انه اخي فقال انظرن ما اخوانكن انما الرضاعة من المجاعة
انما الرضاعة من المجاعة
) اي في السن الذي يكون سد الجوع فيه هو اللبن الذي يرضعه الرضيع
كذلك بوّب البخاري الحديث
كما ذكرنا في باب من قال انه لا تجوز الرضاعة بعد الحولين

علي هذا فاننا نقول ان الاجماع من امهات المؤمنين
و الصحابة رضي الله عنهم و التابعيين و الائمة
ان رضاعة الكبير منسوخة و انها
ما احلها الله الا رحمة بالامة في امر احتجاب النساء عن ابنائهم الذين قاموا بتربيتهم
لما نزل امر النهي عن التبني ثم نسخت

منقول

توقف

توقف
عن محاولة تغييري
كي اصير نسخة من أمك
و أختك
وكل نساء الدار

وكل امرأة عبرت أحلامك
و خيالك المريض
فالعالم لا يدور حولك
وربي لم ينسي أن يستأذنك
فقد خلقني... واتخذ القرار


توقف عن العبث بضفائري
واختيار أثوابي
وبرد أظافري
وصنع أحذيتي
لأنك تحلم بامرأة بلاستيكية
صغيرة القدم

دعني أنمو خارج الإناء
كيفما أشاء
إن نبت في عقلي نهد فلا تستأصله
وان تشقق عن نهدي نهر فلا تجففه
وان خلق في رحمي جنين
لا ترجمه

وانهض من فوقي
فالجنس عندك اقتحام
عنق زجاجة
والتهام دجاجة
ثم فرار

ارفع الأزميل
والمسامير
والمنشار
وعضوك الذكري
وعقلك الذكري
وقروشك الكثيرة
ومزق عقد الإيجار


ارفع يدك عني
خلقت من طين
لكني
لست إناء فخار
فلا تحاول تشكيلي
كي أصير منفضة سجائر
علي موائد الدار

صنعت مني لوحة
وعلقتني علي الجدار
حان وقت رحيلي
سأنزف الألوان
وأغادر الإطار

شكوي

يا أبي
ليس في خيمتنا كتاب...
و لا نافذة...
و لا ضمير...
ليس في الخيام
سوى سجادة للصلاة
وأواني للطهي
و سرير.....

يا أبي
أشكو إليك سياسة العنتريات...
و طول المعلقات...
و نفاق الجرير...

لن أشكو فقر الحال...
بل فحولة الرجال...
و موت الضمير...

يا أبي
النسوة في الخيام
بقرات يرضعن الأطفال
و دود قز
ينسجن الجنس و الحرير
و هن بورقة زواج
فاكهة على موائد الأمير

يا أبي
في دستور الصحراء
حكمت الجمال و النخيل
و لازالت بحقوقها تطالب النساء
و تطالب البعير!!!
يا أبي
أشكو إليك جهل القطيع
فكل العلوم نحو و بديع
الحروف تنسى تسلسلها في الكلام
حتى الساعات تخطيء في عد الأرقام

فما علمونا سوى العيب و الحرام
و أبجديات الطاعة
وأن للرجال علينا
حق السجود و القيام
و أن لعنة الرب على الشعر و الرقص و الغرام
فكيف بالله عليك يكفر الفن
وكيف يزنى الكلام!!!

يا أبي
لماذا يدعي زوجي
أنه خالق الأكوان؟

لا تعليق وحسبنا الله ونعم الوكيل

رسالة الرسول محمد صلي الله عليه وسلم إلي رهبان كنيسة سانت كاترين
'هذا كتاب محمد بن عبدالله: كتبه عهدا في ذمة من هم علي دينه، لأولئك القوم الذين هم علي دين النصرانية في مشارق الأرض ومغاربها، بعيدهم وقريبهم هذا كتاب ما عهد إليهم. فمن خالف هذا العهد يكون مخالفا ومفسدا لعهد الله وميثاقه ومستحقا للعنة.. فمتي كان راهب أو سائح مجتمعا في جبل أو واد أو مغارة أو سهل أو كنيسة أو معبد فنحن من ورائهم وهم في ذمتنا، إني لأذب عنهم بنفسي وأعواني وانصاري هم وأموالهم ومعابدهم، إذ أنهم من رعيتي وأهل ذمتي، فإني أحفظ ذمتهم في البر والبحر والمشرق والمغرب والشمال والجنوب واينما كانوا، وهم في ذمتي وميثاق أماني من جميع ما يكرهون

********************

بناء الكنائس يحوم حوله فقه تمت خياطته في السعودية حيث لا كنائس اصلا ولا يهمهم ان احترقت سائر البلاد بفتن ام لاحيث انه لا يهمهم اساسا

وان كنت اعلم ان في السعودية بيوت ومقار للاجانب خاصة الامريكان ليقوم باداء شعائرهم المسيحية ولكنها غير معلنة

فقه "تحريم بناءالكنائس او تجديدها " يبدو انه قادم من مصادر محددة يعود اصولها الاولي الي ما تسمي بالبيعة العمرية

والبيعة العمرية لها نصان متناقضان

نص في منتهي القسوة واخر في منتهي التسامح وكلاهما ينسب الي عمر بن الخطاب رضي الله عنه

يبدو ان الاولي ذات الاحكام القاسية اصلا تتعارض مع صحيح السنة وبالتالي هي ليست حجة علي الاسلام بل الاسلام حجة عليها وفي رسالة رسول الله لرهبان وقساوسة كنيسة لا اذكرها الان لعلها سانت كاترينا نص الرسالة يبيح بناء الكنائس وعمارة ما تهدم منها بل ويامر المسلمين برعايتها والدفاع عنها

نص البيعة العمرية المنسوبة للفاروق عمر تناقض نصا من السنة فهي لا معن لها اذن

وان كنت اميل الي انها ملفقة اصلا لان بعض المؤرخين قالوا انها لم تظهر الا بعد موت عمر بحوالي 40 سنة كما ان الختم الذي عليها ليس ختم عمر بل شخص اخر

وانا اميل الي هذا الراي

والاخري المنسوبة لعمر والتي فيها امر برعاية الكنائس وحفظ ذمة رسول الله هي الاكثر قربا لاخلاق وعدالة عمر

تجدون فتاوي منع بناء الكنائس منشؤها تقريبا في كتب ابن قيم الجوزية والتي كتب بعضها اثناء الحملات الصليبية وفيها تجدون ابن القيم ينسب احكامه القاسية الي البيعة العمرية المنسوبة الي عمر والتي اري ان فيها تعارضا مع صحيح السنة وصريح القران فضلا عن الشك في مصداقيتها التاريخية اصلا

وابن قيم من اساتذة الاجتهاد وهو من اعلم الناس الا انه وارد ان يخطأ مثله مثل غيره

من طرق حل المشكلة هو محاربة الفقه السعودي السلفي القادم من بلاد البترول حيث لا يعبئون بفتنة ولا دياولو هو ان يكون الراي الاخر واضحا ووموجودا ومتاحا ومنتشرا لان جزءا من خل المشكلة هو تبيان الاراء الاخري وهي قوية ايضا

منقول من مدونة العدالة للجميع

عيطي يامصر علي ولاد العياط

برافوا علي كل بطل نط من فوق سور الكنيسة

وكل نطع هجم علي بيت له حرمته.

وكل راجل عنده نخوة ضرب ست مسيحية بالمطوة في وشها

وربنا يبارك في كل مؤمن حرقلهم بيت

المهم اعرف مين الفذ الجهبذ اللي كتب المنشور المستفذ
اللي بيدعوا للوقوف في وش كل من يحاول بناء كنيسة جديدة

ايه ده؟ ما اروعك

طبعا انا مشفتش المنشور

لاكن مش صعب اني اتخيل شكله

وكم العبارات الرنانة والزنانة اللي فيه.

وياعباد الله يامؤمن شارك ولو بطوبة

هتروح من ربنا فين

ياللي اذيت مشاعر واحده مشيه في الشاعر وقلتلها 4 ريشة؟

ياللي علقت اعلان عن وظيفة وقلت فيه ممنوع لغير المسلمين.

هتنام ازاي ياللي حرقت بيت ونيمت اسرة في الشارع.

هتصلي حاضر في الجامع وقلبك مطمن

وغيرك بيصلي في الكنيسة وهو بيترعش؟

رأيي انا صح ورأيك غلط

طرقتي صح وطرقتك غلط

ديني صح ودينك غلط

نسيت ان الحقيقة نسبية والصح مرهون بالموقف

ولان البوست ده ميسواش بصلة

ولانه مش هيغير حاجة

ولاني اول مرة اكتش ان في حل غير التعاطف

و الكلام المزوق اللي بكتبه

هحط لينك للمدونة العدالة للجميع

http://justice4every1.blogspot.com

اسم ابوست:يا مسلمين اجمع هنا شوية...بعد اذنكم

مش عايزة احط اللينك علي البوست علي طول

علشان عيزاك تتوه جوا شوية

وحياتك ممكن تتغير من اللي هتقراه

الباشمهندس الدكتور ده عنده فكرة

فيها حركة

فيها فعل

فيها ثواب كبير

ياراب يكتبلنا كلنا ونقدر ننفذها

الي كل مسيحي في العياط وفي مصر وفي العالم انا اسفة.

وبعتزر لديني اللي سؤنا سمعته بجهلنا بيه وتعصبنا

اللهم ارفع مقتك وغضبك عنا

My sister is getting married and traveling to America

كيف ستتحمل الطائرة ثقل الأمتعة

وفي حقائبكِ لممتي كل مقاهي المدينة

وتركتي لي المقاعد حزينة

لملمتي كل الشوارع والأشجار

وتركتي عوادم السيارات والأرصفة اليتيمة


دعينيِ اجري استفتاء
فلطالما كنت ديموقراطية
كل شعوب ارضي ترفض رحيلك
كل أعضاء جسدي ترفض رحيلك
كل الأحزاب

كل عناقيد العنب
وصفحات الجرائد
وفساتيني
ترفض رحيلك
حتى حبيبات السكر التي تكريها
ستفتقد اثر شفتيك
علي حافة الفنجان
فكيف تنفردين بالقرار
كقائد عربي
أو زوج عربي
أو جندي تاتار؟

الهجرة يا حبيبتي
حل سليم
بعيدا عن فساد الأجواء
والطعام
والضمائر
ولكن عندي حلم قديم
أن تسكني في البيت المقابل
و ننجب في نفس العام
توءمان
أن تتركي لي اللعب مع الأطفال
والجري
والاستحمام
وتتولي أنتي الاستذكار

عندي أحلام مؤجلة
أن أختم القران
وافقد بعض الوزن
وتصنعين فستان زفافي
وأعيد اكتشاف صوت فيروز
ويغني منير عن شامتي
في حفلة كاظم
اجلس في الصف الأول
فمن سيعيرني ثمن التذكرة
ومن سيجلس في المقعد المجاور؟

الهجرة حل لا غبار عليه
ولكن عندي مشوار هام
حين يناديني ابنك: يا خالتي
ارتدي طرحتك
وتعالي معي إلي الكنيسة
فأمي تسهر كثيرا
وأنت رفيقتي الوحيدة
إلي مدارس الآحاد

الهجرة قرار
أم انتحار
وذوبان
في بوتقة نظيفة
تفقدين فيها كل الغبار
ومع الغبار
تفقدين كل الملامح
وكل الأسرار

أنت هنا قبطية
وهناك عربية أجنبية
فتأني لحظة القرار
أنتي هنا صاحبة الدار
والكل عندك ضيوف
ولو تناسي الضيوف
آداب الحوار
أنت هنا أقلية
تملك حق الاختيار

أتحبين ظهور العذراء
علي قباب الكنائس بالصعيد
فانتظريها معي
هنا
علها تقرر الظهور
ليلة عيد
أو انتظريها
تطل كل صباح
من وجه أمك المنهك
الضحوك
او تحمل المسيح
وتجوب دكاكين الفقراء

عريسك قادم
سيأخذك من أيامي
ولن أستطيع أن امنعه
ففي يده عقد زواج
وجواز سفر سليم وتأشيرة

تعبت من الاستجداء
سافري خلف حلمك الأمريكي
وقشور الحضارة
ودعيني
فبرغم قذارة الحارة
لازلت مؤمنة بتلك البلاد
وحين اشتاق إلي حضن الأخت
سأحتضن صندوق البريد

الادب والبورنو وعلم المشي البطال

ممكن افهم ان واحد يرفض يقراة لكاتب لانه شايف ان اسلوبه جريء
هو حر ما لم يضر

اب يمنع بنته تشتري روايات عبير
او مش عايز عنيها تتفتح بكلام احسان وتعمله فيها انا حره
هو حر فتربية ولاده

تفتح مواقع سكس من كومبيوتر الشركة
تستاهل رفدك

تشوف ان زملتك مش محترمة علشان بتقراة علي مكتبها رواية من رأيك انها اباحية
بصراحة حقك

تغير معملتك معاها 180 درجة بعد متشوفها متلبسة علنا بقراءة الكتاب المذكور اعلاه
بردة حقك

لكن تبداء تتخطي حدودك وتتكلم معاها بقلة ذوق وتقول انها مش مؤدبة
تسمحلي بقة كدة تستاهل ضرب الجزمة

امبارح كنت في الشغل وفي امان الله بقراءة رواية علاء الاسواني الجديدة شيكاجو علي مكتبي
والزميل المحترم _ ومحترم دي مش تريقة والله لانه فعلا محترم وعلي خلق_ كبرت في دماغه انه ميصحش اني اجيب حاجة زي دي معايا الشغل

يانهار كحلي
حاجة ايه؟

مخجلة
كاشفة راسها وماشية حافية؟

اباحية
بورنو يعني؟

بتتكلم في تفاصيل متصحش
تفاصيل؟ ده قراها كويس علي كده ;)

وميصحش اني اجيب معايا رواية زي دي لمكان عمل
لا و لسه
مكان عمل فيه ولاد

واخد بالك انت من ولاد دي. ده علي اساس ان الموظفين 3 انواع: ولا د و بنات وكائنات فضائية )

انا مش زعلانه من رأية الشخصي في الرواية طبعا اولا لاني مش علاء وثانيا لانه حر في تقبل او رفض اي عمل ادبي

اللي مجنني هو طريقة تعبيره عن الرفض
معملته مع اللي بيختلف معاه في الرأي
نظرات الاستحقار
الحكم المتسرع بفساد اخلاقي و نوايايا
الحوار من طرف وحدا
ليه؟
مين اده الحق ده؟

وكده استفاد ايه؟
كان ممكن جدا اقتنع برأيه في الرواية بعد حوار متحضر وهادي
لكن محاكم التفتيش الفكرية
نتيجتها الاكيده ان المسافه الي بنا هتوسع
وهتقلب عند
وموقف شخصي
وكرمتي
وعلي جثتي
وهلما جرا

انا وهو وانت محتاجين نتعلم من الاول
ادب الحوار
علم الحوار
فن احوار

بس مقدرتش اسيبو يمشي قبل ماطلع كتاب انيس منصور كمياء الفضيحة

وقلتلوا ده بقة كتاب عن علم المشي البطال

اريد ان اتطهر

اريد ان اغتسل

وما من ماء قادر علي تطهير الثنايا

والحنايا

والخطايا

وغرف القلب المغلقة منذ سنين

علي جثث الوصايا العشر

اريد ان اتعري

لا لغرض في نفسي

فقد زهدت الرجال

والنساء

والخيال

لكن العري هاهنا اعتراف

بقبح الرداء

والعري انسلاخ

من الجلد

حتي النواة

اريد ان اقص شعري

واجدلة

وازرعة في إناء

عله اذا جاء الشتاء

نبتت منه انثي غيري

تستحق الحياة

اريد ان اتطهر

لكن الطهر خيار يومي

فاين كنتي لحظة الاختيار

كلي الان منك غضب ولا تصالح

لا تصالحْ

ولو منحوك الذهب

أترى حين أفقأ عينيك

ثم أثبت جوهرتين مكانهما..

هل ترى..؟

هي أشياء لا تشترى

لا تصالح ..

ولو حرمتك الرقاد

صرخاتُ الندامة

إن سهمًا أتاني من الخلف.

.سوف يجيئك من ألف خلف


كلُّ شيءٍ تحطَّم في نزوةٍ فاجرة

والذي اغتالني: ليس ربًا..ليقتلني بمشيئته

ليس أنبل مني.. ليقتلني بسكينته

ليس أمهر مني.. ليقتلني باستدارتِهِ الماكرة

لا تصالحْ

فما الصلح إلا معاهدةٌ بين ندَّينْ

.في شرف القلب

ْوالذي اغتالني مَحضُ لصْ

سرق الأرض من بين عينيَّ

والصمت يطلقُ ضحكته الساخرة

إن سهمًا أتاني من الخلف..سوف يجيئك من ألف خلف

أمل دنقل

راضي في فسادونيا

راضي ودستور فسادونيا راضي بيستحمه إيه؟؟ محدش ليه دعوه؟ ده حقه الدستوري. أصبح الاستحمام نشاط شرعي بالدولة من بعد التعديلات الدستورية الأخيرة بدولة فسادونيا واللي أتوافق عليها بالأغلبية في مجلس الشعب المكون من 15 وزير. طبعا كان انتصار كاسح. أي والنعمة كاسح.14 عضو (وزير) صوتوا لصالح التعديلات ورغم وجود صوت واحد معارض, لكنه كان وزير البيئة فمحدش عبره. والشعب كمان شارك في الاستفتاء بكل همة وحماس. وكان المواطن من دول يدخل ورا الستارة يقرأه نصوص الدستور الجديدة ولا يكتفي بالتصويت لصالحها بل " يلطم ويرقع بالصوت الحياني" حسب تصريحات الشهود العيان والمشرفين علي اللجان من أعضاء السرك الصيني .ياسلاااااااااااااااااااااااااااام ما أحلي الاستحمام في ظل القانون. وفجأة أقتحم المكان عشرة رجال باللبس الميري راضي إتبرجلمش عارف يغطي ايه ولا ايه إتلخم أتزحلق وقع راضي صابر الأخرس تمام يافندم أحتشم يا مواطن ما انتوا اللي طبيتوا كده من غير إحم ولا دستور قصدك إيه؟ قصدي يعني.............لو ممكن أشوف إذن النيابة؟ وانفجر الخمسة وعشرون شرطي في الضحك إذن ايه يا روح أمك؟ دمك خفيف يا مضروب إذن النيابة يافندم. عشان يبقي وجودكوا هنا قانوني لا يابابا دي حالة طوارىء آةة لو كده يبقي مفيش مانع أنا كنت فاهم إنها مش حالة طوارئ وانتوا بتستهبلوا مش عايزين عطلة أتفضل معانا ليه؟ انا عملت ايه؟ هتفهم هناك نظر راضي الي التسعة وخمسين شرطي باستسلام ومد يده الي البرنس وخرج من الكنكة المشهد الثاني راضي مستني في مكتب بقالة سعتين. هيتجنن, هيموت من الرعب. طب حد يفهمني أنا عملت إيه؟ دماغه بتودي وتجيب. بيكلم نفسة...... أنا مش قلتلك بلاش المشي البطال؟ مش قلنا الف مرة أخرته وحشة؟ اشرب بقه لا لا مشي بطال ايه بس!! ده انا لا ليا في الطور ولا في الطحين. طب يكونوا عايزيناك في ايه يعني؟ فكر ياحمار انفتح الباب ودخل عسكري جارر شابين من قفاهم. رماهم في المكتب وقفل الباب من غير ولا كلمة الواد القصير ده شكله ابن ناس هوه كمان. لكن التاني واضح إنه بلطجيا لولد أبتسم له وقرب منه شريف: أنا شريف, شريف الأنصاري راضي: وانا راضي الأخرس شريف: تشرفنا يافندم مفتاح: وأنا مفتاح المصري راضي بإستحقار: طيب مفتاح: تعفر؟ راضي: مبدخنش وابعد بعيد لو سمحت مفتاح : اصل أنا شايفك متوتر وبتترعش راضي: لازم ابقة متوتر دي مش كوكي بارك يابتاع إنت مفتاح: ياراجل واية يعني؟ تعيش وتتحبس أنا مابين كل سريقة وسريقة لازم أطب راضي في سره: طبعا متعوده دايما راضي لشريف: وحضرتك؟ شريف: تقريبا كل شهر بشرف مرتين راضي: بس ده انت شكلك مش وش بهدله. والله أنا أول مرة في حياتي ادخل قسم والمصيبة إني معملتش حاجة ................................................راضي: إنت مبتردش ليه؟ بقولك والله ما عملت حاجة شريف: لا واسعة دي شوية معقولة متعملش حاجة وتتاخد عالقسم راضي: تخيل شريف: ليه إحنا فين؟ دي سابقة عمرها محصلت في فسادونيا راضي: انا مش مصدق زيك تمام شريف في سره: (دة عبيط بقه مفتاح: إطلع من دول ياحاويط راضي: وانا حكدب عليكوا لية ياعني مفتاح: طب فكر و اعصر دماغك فرصتك دلوقتي انك تفبرك تأليفة تخرج بيها من الكارثة اللي عملتها راضي بصوت عالي: والله مظلوووووووووووووووووووووم شريف: قولي انت بتاع ستات وكلام منده؟ يمكن هيخدوك شاهد في قضية اداب أنا من البيت للمصلحة ومن المصلحة للبيت مصلحة؟ تبقة مرتشي ومسجلينلك وانت متلبس ياأخ شريف. ده شكل مرتشي. إنت مش شايف البدلة؟ بدلة؟ ده مش ترنج؟ مش بقولك مش بتاع رشاوي مفتاح : مزاج؟ هو أنا زيك ياحشرة إخوانجي؟ مسيحي مهجر؟ Local مشترك في أحزاب أو أي مؤسسة مركز شباب الوايلي شريف : حيرتني .... خلاص سيبها علي الله وشوف عاوزيناك ليه راضي : مقلتليش يأخ شريف إنت تهمتك إيه؟شريف : أنا قصتي طويلة و هتعرض علي المحكمة العسكرية خلال ايام راضي : يا ستار إن لله وإن اليه راجعون. ياحسرتك أمك وابوك. أنت هببت ايه؟ شريف : انا مدون راضي: إخص الله يكسفك. غور من هنا هتشبهني معاك. مدون ياملعون. غور بعيد. تعالي يمفتاح ياحبيبي خالينا ندردش علي جنب المشهد الثالث راضي يجلس أمام رتبة من الرتب الكبيرة غرقان في عرقه أستاذ راضي تحت أمرك يافندم تسمحلي أقولك انك نموذج مشرف للمواطن الفسادوني يافندم دة شرف ليا. والله سعاتاك أنا كنت واثق إني معملتش حاجة وإني اتخدت علي هنا غلط. لا أنا اللي أمرت الضابط يجيبك. بس بيني وبينك بشكل ودي. كنت عايز أدردش معاك شوية. خيرطبعا أنا مش بكلمك دلوقتي مش بصفتي الرسمية. لاكن من منطلق الإخوة والحرص علي مصلحتك ................................................أخ راضي مش عيب إن الواحد لما يشتكي من حاجة يطلب علاج.............................................. خد ياراضي مد إيداك متتكسفش ايه ده يافندم؟ دي حبة فياجرا ياراضي. ياأخي كسفتنا. من خلال مراقبتا القانونية والدقيقة لغرفة نومك اكتشفنا إن أدائك غير مطابق للمقايس وغير مرضي بالمرة. ومن خلال استمعنا لمكالمات المدام الهاتفية مع حماتاك نقدر نقلك إنك إتفضحت ياراضي . واحنا في خدمة الشعب. ودي الخدمة اللي بنقدمهالك يابطل. ورينا بقة همتك إنهاردة. النباطشية كلها هتسهر تتفرج وبتدعيلك راضي يسقط مغشيا عليه اصبحت التعديلات الدستورية واقع لا مفر منه لا خوف من نصوص الدستور لا خوف من السكين الخوف من ضمير الجزار إلي اباءنا واخوتنا واهالينا في المؤسسات الامنية راعوا الله في ابنائكم

إن اردت الحقيقة

لا تنظر الي ما يرتسم علي الوجوه ولا تصغي الي ما تقوله الالسن ولا تلتفت الي الدموع. فكل هذا هو جلد الانسان والانسان يغير جلده كل يوم ...ولكن ابحث عن ما تحت جلده...ليس قلبه ولا عقله ...فتلك ايضا امور تتغير ..ولكن انظر الي فعله في لحظة اختيار حر تعرف حقيقته

وقد عرفت حقيقة بعضهم في لحظة اختيار حر

وعرفت حقيقتي

واحد عارف نفسه

واحد صعيدي (من المنيا) كان بيتعلم الارقام بالانجليزي:وان تو ثري فور فيف

سس(استغفر الله) سكس

حقيقة

شهادة

لا اله الا الله محمد رسول الله عليها اعيش وعليها اموت وعليها ابعث إنشاء الله

صورة من قلبي

اللي اقسي من الحقيقة

الصور

واللي واجع مش جرحي

اللي واجع ذكري فرحتي

قدام مرايتي

بلف طرحتي

وغصب عني بفتكر

قاللي الاسود عليكي

وهم

ولون عنيكي

فرحتي

والخمسة دول بناتي

وعزوتي

من ريحة بلادي

وشقوتي وضحكتي

الحلوة دي قطتي

وانت بعلولتي

فطيبة والدتي

وعيون نجاة رجعتني

لمرهقتي

قدام مريتي بلف شالي

الاسود الصوف

وهو علي كتافي ينوح

بدو يبوح

باللي في بالو وبالي

ويحكي عالي جارالي

خاوفوا الخمس بنات

قالوا الغربة مرة

قالوا التعلب فات

يابت اوعي بلاد برة

تغيرك

ولا يسقوكي حاجه اصفره

وخالي بالك من صحابك

انت عاقلة ومأصاله

والخواجة مكار وقاسي

عيونه زرقة وايده عايزة قطعها

واللي تفرط في شرفها

تستاهل دبحها

يامه الخواجة امره سهل ودمه مايه

الخوف ملمنياوي ابو جلابيه

الصعيدي

اللي لابس توب مش توبه

كان امكر متعلب وجدوده

الواد بتاع الترجمة

اسيب طين بلادي

الاقيه مستني هنا

هو كان

الهدمه اللي ستراني

وهما

الضلوع اللي كانت حاضنه قلبي

وجبراني

خاوفوا الخمس بنات

قالوا الغربة مره

قالوا التعلب فات 

اللي فات مات

ما الصبايا اتفرقوا

واللي مرر الحلق

حلاوة الذكريات